EC Kitchen - 大西北時新?

食物：$$$1/2

環境：$$$

服務：$$$

元朗有間漢堡包店，名叫EC Kitchen，門外貼滿雜誌介紹，好似幾巴閉咁，就在「元朗大掃場」的那天，加插這家食肆。

由於預料會走好多站，所以沒打算亦沒能力吃太多，就由甜魔媽媽Yan揸主意，隨便的點幾款東西就是。

瞄下餐牌，竟然有雙鵝肝芝士牛肉漢堡，盛惠138個大洋。一間港式漢堡店賣到過百一個包，都咪話唔誇張。

好似好巴閉咁~

首次到來，又要食咁多場，當然不用吃鵝肝呢款了。如果試過今次是好食的話，下次再來吃豪一點吧！

 

好厚身

先吃最傳統的牛肉漢堡，即叫即制，熱哄哄，中間的牛肉超級厚身，咬落鬆化，配上芝士，以及配成的茄汁，尚算美味。

 

加多塊磨菇

另一款，是磨菇雞肉漢堡，將牛肉轉成雞肉，但同樣的厚身，再加多隻大磨菇，水準總不會跟牛肉漢堡差太遠。當然，我是會喜歡吃牛肉的那款多一些，同埋，始終覺得時新的出品是更勝一籌，大概是因為醬汁的關係吧！

 

平~

竟然仲有雞翼撈麵食。麵條是用上Indomie之類的，加了點辣，頗為爽口惹味。雞翼我就沒試了，據聞都唔錯。

 

份量太多

餐跟有薯條，好鬼大包，食唔晒。早知叫佢俾一份就好了。

下一站，是旁邊的豆花妹撈米線。

餐廳資料:

EC Kitchen

元朗鳳攸南街3號好順景大廈2期19號舖

2529 4948