食物：$$$1/2
環境：$$$1/2
服務：$$$
這所貌似灣仔街市的建築物，查實是新加坡馳名的熟食中心，叫中峇魯市場。我們住的酒店就在附近，所以找一天，大家步行過來吃份豐富的早餐才繼續當日的活動。
星洲既熟食中心跟香港的街市沒大分別，都是一層裡面有著多個檔口，各自各做生意，大家可以按自己喜好，買齊各攤檔的食物，坐埋一起分吃。如是日，我們便每人拿著十元坡紙尋寶去。
去過好幾個街市，賣鹵麵的檔口總是大排長龍，我想這地道的食品必定很受當地人歡迎。那我肯定不會執輸，走到中峇魯鹵麵前，排隊買番碗大的。所謂的鹵麵，是有著鹵肉、蛋、油條、五香以及炸雲吞等六重材料，配油麵，再加上濃濃的翅湯組成。打東西撈呀撈，便可以食，精華所在是杰撻撻的翅湯，但我卻不懂欣賞。
另外也在德盛買了豆花和豆漿。豆花尚算滑溜，只是有欠豆香，比不上香港的很多老字號出品；至於豆花水，即類似豆漿的飲料，少許豆香，同埋最緊要夠冰凍。不過，始終及不上澳門的豆味咁濃郁。
同行者又在中峇魯包點買了蛋撻和叉燒酥，好鬼中式。實際上，兩者均麻麻地鬆化，又唔係好熱，未見出色。都唔明，點解要在新加坡買港式食物。
再回來的朋友，拿了魚粥和燒魚回來，據報是在潮州魚粥店買的。像稀飯的米，味道又幾好，最欣賞的都係魚肉，嫩口亦沒有半點腥，即使不愛吃魚的朋友也大叫美味。
燒魚用葉子包著，香口之餘，微微的辣，質感不是很硬，反而有少少似魚蓉咁，幾有特色。
至於家鄉菜頭粿的出品，是有點兒像香港的炒年糕，但口感並不是煙煙韌韌，我個人認為咬口一般，只勝在汁醬夠滋味。
唔知幾耐沒嚐過如此豐富的早餐，飽得幾乎午飯都不用吃。
餐廳資料：
中峇魯市場
30 Tiong Bahru Road Singapore
沒有留言:
張貼留言