大鍋口海鮮火鍋店 - 吃得過的任食場

食物：$$$1/2

環境：$$$1/2

服務：$$$$

先旨聲明，百幾蚊的任食火鍋，千祈唔好預會有雪花靚到不得了的肥牛、爽脆甜美的加拿大A級象拔蚌等名貴貨色供應，除非你加錢。

去到才知這是個任食火鍋場，$128/位，另加一，有酸梅湯及汽水任飲。這個收費，跟市面的任食價錢差不多。

甫坐低，伙計送上調味料，合共六款，花樣不算多，但對我們來說足夠了。因我都只會要辣椒絲、麻醬以及蒜茸三款。

翻開火鍋紙，原來有三款鍋底是免費的，分別是皮蛋莞茜湯、粟米雪耳花旗参湯底以及沙嗲湯底，其餘的則要加錢，大都是加幾十蚊。今次我就沒另加錢，只選了清清地既皮蛋莞茜湯底。

拿著火鍋紙劃呀劃，心水的東西都已選好。先說肉類，肥牛自然是不可缺少的。始終任食的肥牛也不會太靚，只輕輕的淥一淥，也覺有點韌；反而滑牛和駝鳥肉相對出色，嫩滑而不失咬口，亦保持肉味，都食得過。

揀左兩款內臟，豬紅和豬潤，前者一咬之下，腥味盡出，完全唔掂；豬潤較好，稔身亦不會腥，雖不是很高水準，但都收貨了。

嫌平身食魚頭唔夠多，自己出外食都要再點，哈哈！估唔到呢度既魚頭都好新鮮，滑溜又沒有腥味；另外，脆鯇片都夠脆口，感覺新鮮；最抵讚的是海蝦，爽口之餘，味道鮮甜，好吃！

識我的朋友都應該知道，我吃火鍋是很Cheap的，總要吃那些丸子，當中以芝心丸最合心水。呢度有款口晚芝士波，其實就是外面燒一燒的芝心丸，幾有咬口，裡頭的芝士味都濃郁，已滿足到我。

還有幾款只屬一般的食物，如炸嚮聆，鬆鬆散散的；花枝片，是夠稔身，卻沒有味道；墨魚滑，唔得彈牙。

最後要了些菜，較喜歡皇帝菜，爽脆清甜。

雖然是任食，卻完全沒有漏單或錯單的情況，而且上菜速度快捷，難怪會咁旺場。同時，侍應是忙得不可開交，但也會主動加湯，換骨碟等，服務一欄值得一讚。

餐廳資料:

大鍋口海鮮火鍋店

荃灣眾安街55號英皇娛樂廣場16樓全層

2615 9889