食物：$$$1/2
環境：$$$1/2
服務：$$$1/2
對Bably Blue的印象一直不錯，從銅鑼灣的新、舊鋪，到美孚新村的店子，我認為都是物有所值的。而新搬到九巴車廠的分店，就未有機會到訪，趁同事生日要找地方吃好一點既時候，建議到這裡來。
新店子，地方比以前美孚新村的大了不少，但格調仍保留原狀，以深沉色為主，亦不失高貴感覺，在區內應是數一數二了，我幾喜歡。
七個人，有考慮過叫唔同款式大家share食，但老總不太喜歡，還是自已食自己罷。中午套餐有八款，豬牛羊雞魚和藍貝都有一齊，而來得呢度，我也自然揀選了最貴的藍貝。
先上餐包和餐湯，包面鋪滿芝麻，很香，只嫌包身稍稍不夠脆，但塗上很特別的蒜茸牛油，又即時拉高了分數；
餐湯是蜆肉周打湯，溫度夠，材料亦豐富，湯底Creamy，是好喝的。
先試一丁點同事看西班牙飯，只是濕，毫無咬口，味道亦不出色，好彩我冇揀呢款。
我的主菜係煮藍貝。先喝一口湯，是估不到的清甜，我也禁不住連飲幾口；材料有紅蘿蔔絲、洋蔥絲、芹菜絲，均是爽口，好味道；藍貝，份量不少，每隻都很幼嫩、鮮美，沒有絲毫腥味，能夠把店名押上去的菜色，果然有水準。
配藍貝的是法包，香脆又不硬，點著湯去吃，又是不錯。
跟餐有甜品，上檯時還以為是慕絲，原來係士多啤梨乳酪，幼滑又帶士多啤梨香，對鍾情yogurt的我，肯定滿意。
餐飲的熱檸茶就麻麻，反觀同事既即磨咖啡又幾香濃，下次來記得要選咖啡了。
餐廳資料:
Baby Blue Cafe & Bar
荔枝角寶輪街9號5樓5A
2882 9192
沒有留言:
張貼留言