相約東涌朋友食飯，就憑佢一句東涌無好嘢食，我哋便去了距離不遠的愉景灣酒店開大餐。
第一次踏足這所酒店，原來除了人人皆知的打卡教堂外，大堂的餐廳都好舒服。
家陣做緊半自助餐，每日都是不同主題，如是夜我們星期三到訪，就是港式懷舊鐵板。
重點係，價錢便宜得有點不可意義，如鐵板豬扒及雞扒，連加一也不到二百大洋，仲要已經包埋半自助的頭盤、沙律、餐湯、甜品及基本飲品。
不要以為呢個價錢，就會無啖好食。睇睇自助沙律吧，各式沙律菜都好新鮮，仲有莎樂美腸、麻醬青瓜雞絲，及幾款生果，打開胃口。既然是吃港式鐵板，就必定要有紅白湯及餐包，呢度都係無限量供應。個人由細到大都是白湯的支持者，這裡做到濃郁可口，混入粟米粒，再將塗上牛油的餐包沾湯吃，入型入格。六款鐵板選擇，各自選了自己喜歡的，再大家分享。每款鐵板均是上桌時，在食客面前淋汁，沙沙聲響是吃港式鐵板之重點。作為牛魔王，筆者當然就是西冷牛扒了，用上澳洲產地的牛肉，火侯控制做到我的要求，即使是蠻厚身的西冷，也軟腍不韌，加上外層帶點微脆口感，就是薯條亦是粗身的波浪薯條，加分。
貪心的人最好就吃什扒餐，包羅萬有。豬扒、雞扒、煙肉、太陽蛋，還有最經典的大大碌雞肉腸。大家會先破開雞蛋，任由蛋汁在不同的食物上游走嗎? 云云肉類之中，我覺得雞扒最有驚喜，而其實食肉獸見到咁豐富的什扒，必定會相當滿足。估唔到連羊鞍扒都有供應，羊羶味道於我而言是恰好，不會太過，但完全沒有個性的話，吃羊便沒意思了。食羊鞍真不要太顧及儀態，用手拿起太啖齒就最暢快。最重量級的，正是這鐵板海鮮拼盤。大虎蝦、鱈場蟹腳、麵包蟹都在陣中。最特別的是，師傅還調配了薑蔥汁來配搭這海鮮大餐，細心諗，其實肯定是夾的，只係從來沒想像過會在鐵板餐上發生。食懷舊鐵板，配埋港式特飲就一絕。菠蘿冰、什果冰及紅豆冰，全都是兒時的味道，梗有一款岩你心水。最後出去拎埋甜品，蘋果酥焗得香口，百爵茶蛋糕及開心果卷做到應有水準，當然要有啫喱，才夠圓滿啦！萬料不到，走進酒店，竟會帶著滿滿的兒時回憶離開。
餐廳資料:
Cafe bord de Mer & Lounge
愉景灣海澄湖畔路88號香港愉景灣酒店地舖
22958299
沒有留言:
張貼留言