是日打算去帝京拎月餅，中午不如就自行在太子悠然地吃過午餐，才再出發。
一個人搵食，想坐耐些少，Cafe都是唔錯的選擇吧～
坦白說，筆者甚少光顧太子的咖啡館，與其買大小般亂揀一間，最方便還是叫AI推介。
得到的建議是2Soon Cafe，落巴士行三分鐘就是，那就不作他選。推開門，見小小的咖啡室已坐滿，正想走人之際，店員請我搭𨋢上一樓，原來樓上是別有一片天。更幸運的是，我近乎包場狀態，可以清清靜靜享受下。
午餐有跟餐湯/沙律及基本飲品，南瓜湯尚算濃郁，喝得舒服。
主食揀左牛肉壽喜燒烏冬，最喜歡佢用既小器皿，好精緻，即時添加印象分。
將溫泉蛋破開，任由蛋液滲進烏冬裡，結合帶甜的壽喜燒汁，總不會難食。牛肉雖不是什麼名產地和牛，至少不會韌，我覺得可以收貨了。
呷口黑啡，聽住音樂，人也特別的輕鬆自在。
反正沒限時間拎月餅，途經金魚街，放慢腳步睇下金魚烏龜，也算是大叔的浪漫。
沒有留言:
張貼留言