常說人多最好就是食自助餐，唔使擔心邊個有咩唔食，不用等呢個嗰個，大家傾住食、食住等，輕鬆自在。
這次來到朗庭酒店，自助餐主題為海續珍味，海鮮控朋友早已虎視眈眈。
出去巡一個圈，陣容確實比上次來強大，尤其是海鮮，不論是冷盤定熱食，也更為豐富。照慣例，我不會一一介紹，只說重點已需好一陣子時間。
率先品嚐醉鮑魚，用刀叉切開時已感受到其軟腍質感，入口滲出絲絲酒香，好夠入味，第一樣東西我已經想Encore。
椒鹽大頭蝦是另一亮點，香噴噴的，蝦頭也是真的會爆羔，大家吃時請小心，否則蝦羔四淺就狼狽了。有些地方，蒜蓉粉絲蒸波士頓龍蝦是會限量供應，不過呢度就夠晒慷慨，喜歡吃幾多都可以。肉質爽彈，蝦羔又是滿滿的，加上蒜蓉粉絲這做法，一定穩陣。回到冰鎮海鮮區域，蟹腳、龍蝦鉗、鮑魚、青口、熟蝦、翡翠螺等一應俱全，呢個陣容，無乜可以投訴吧！各式凍海鮮都好新鮮，蟹腳鮮甜，鮑魚腍滑，但最吸引我的，無疑就是多羔的麵包蟹，夠晒邪惡，這晚絕對是膽固醇萬歲之夜。平時或會略過壽司刺身環節，但剛試了的海鮮都咁有驚喜，也拿碟回來跟朋友分享。帶子鮮甜，幾款魚生都是厚切，個人特別喜歡油甘魚刺身。自助餐當然不乏湯水，呢度更加有三款，中式的蘋果雪梨乾豬展湯，西式的俄羅斯菜湯，甚至連酥皮焗海鮮湯也在陣。酥皮底下，海鮮材料很足，不會太濃太杰身，喝罷沒太大負擔，可以繼續進攻海鮮熱葷。帶子同樣加入酥皮做法，鬆脆香口的酥皮，跟火候恰好的帶子，來得合拍。熱葷款式眾多，有中有西亦有印度的，亦不缺東南亞風情，如參巴醬炒鴨胸、巴東牛肉、印度咖喱等。當然，海鮮項目必不會缺席。檸檬蒸比目魚、白酒煮蝦蜆以、豆豉蒸鱈魚及酥炸魷魚鬚等，全部都好有水準。還有串燒大蝦，燒得香口。
法式燉鵝肝，需不是海鮮項目，但提提大家一定不可走漏，否則你會後悔莫及。牛魔王朋友亦不用擔心，除左燒肉眼牛扒外，叮叮叮鈴聲響起的限定項目，也就是威靈頓牛，包保滿足。即使怎樣飽，都不可錯過這裡的甜品環節，林林總總的精緻甜點讓人目不暇給。先算我一向喜歡的蛋糕，有原個的，亦有小件的，水準蠻好，甚至連巴斯克芝士蛋糕亦有供應，太好了吧~雪糕是Movenpick，各樣口味也拿回來，配窩夫，肯定滿足。是夜的甜品MVP，大家一致認為是千層蛋撻。香脆有層次的酥皮，香噴噴的內餡，盪漾之蛋漿，熱呼呼的吃下去，幸福感爆燈~汽水咖啡或茶，都是無限量供應，自己動手就是。 又是捧著肚子回家的一夜。
餐廳資料:
The Food Gallery
尖沙咀北京道8號香港朗廷酒店大堂
21327898
沒有留言:
張貼留言