與久未露面的朋友晚飯，對方揀係左銅鑼灣V Point的海景中菜廳聚星居，筆者早前曾吃過，印象蠻正面的。
週五晚上，餐廳座無虛席，連廳房也爆滿。眼見好多枱都自携酒水，畢竟免開瓶費的確是好大既賣點。是夜得我哋兩條友就無飲酒，下次多點人才喝過。
見新推出的「夏。聚」嘗味套餐幾吸引，也就懶得傷腦筋散點，直接要呢個餐就好了。
一開波的涼菜三弄，分別有口感爽脆的青檸老醋海蜇頭、軟滑入味既香茅青檸冬瓜，以及伴上酸梅啫喱的番石榴，三款截止不同的賣相與口感，卻同樣帶出清爽醒胃既感覺，不簡單。夏日套餐的湯水，就是火瞳乾貝冬瓜燕，啖啖金華火腿的香氣，加上清新之瓜肉，好飲都不得了，我三扒兩撥已將之喝得一滴不剩。接著來是釀蟹蓋，香脆足料是理所當然，最驚喜是混入了邪惡的鵝肝，味道層次肯定更豐富。蒸銀鱈魚吃得多，師傅加入了仁稔醬，微酸帶甜，既與油份豐盈的鱈魚相當合拍，亦非常適合炎炎夏日享用，的確有心思。小牛肉以文火烹煮，肉質軟腍，味道濃郁，以少少清香的薏米墊底，更貼切夏日主題。陳皮黑毛豬叉燒，筆者之前亦吃過，咸咸甜甜，層次豐富，今次比早前嚐過的更軟腍入味，有明顯進步。菜蔬配搭都是花過心思，碧根果玉米胚芽，賣相精緻，健康之選。單尾的蔥油櫻花蝦拌麵，在傳統的滬菜之上創新地轉換成櫻花蝦，令口感得以提升，賣相也弄成像西式Fine Dine的意粉般，今時今日做餐飲，真的要與時並進。結尾的甜品，是桃膠燉鮮奶，桃膠份量來得慷慨，鮮奶香甜細滑，感覺好滋潤。本身熱到無咩胃口，但呢個套餐，愈食愈醒胃，教人欲罷不能。
下月朋友生日，一於搵店家寫張菜單，帶枝靚酒，一班人再來吃餐好的！
餐廳資料:
聚星居
銅鑼灣登龍街18號V Point 28樓
21150728
沒有留言:
張貼留言