食物：$$$1/2
環境：$$$$
服務：$$$$
近年大熱的Pickleball，相信很多朋友都打過。
筆者卻從來未玩過，直至呢一日，知道這餐廳天台有Pickleball場，於是就約埋朋友來食餐飯打兩板。
除左吃吃喝喝，我都真係好耐無做下運動郁下。
先在樓下的一層用餐，估唔到餐廳裝潢都幾靚，有唔少打卡位。餐廳走新派多國菜路線，如這款泰式蟹肉奄列，賣相似Tapas，雞蛋很嫩滑，甚至有幾分像吃玉子豆腐的感覺，結合頂頭的蟹肉，有趣。另一款的日本刺身帶子，輕輕煎至表面微焦，內裡保持細嫩，頂頭加一點點的三文魚籽增添口感，最特別是伴的辣茄莎莎醬，感覺蠻醒胃的。主食選了海膽山伴龍蝦汁寬條麵，紫菜之上放了些海膽，說是山就有點誇張。然而寬條麵口感唔錯，跟龍蝦汁也自然夾檔，再配點新鮮海膽來吃，也沒什麼投訴了。意大利飯又是玩新派，配以冬蔭功汁醬，成件事酸酸辣辣挺開胃的，但口感就不太像意大利飯，可視為海鮮材料豐富的泰式燴飯吧！甜品分別揀左提拉米蘇，以及芒果雲尼拿意大利奶凍，兩者賣相都好精緻吸引，提拉米蘇質感濕潤可口，如可多少少咖啡酒香，就完美。芒果雲尼拿意大利奶凍則走清新路線，大熱天時吃這個，幾舒服的。之後，就上天台打波了！其實天台仲有個露天酒吧，若天氣好又唔太熱既話，來飲杯嘢也是很好的選擇。
餐廳資料:
Arcadia
銅鑼灣登龍街1-29號金朝陽中心二期 - Midtown 30樓
93300396
沒有留言:
張貼留言