食物：$$$$
環境：$$$$
服務：$$$$
久唔久都會同家人或朋友食自助餐，沙田帝逸酒店算是我比較常去的一間，皆因佢不時會搞新意思，而又長期供應我喜歡的榴槤甜品。
仲有一樣很重要，呢度既自助晚餐係由六點食到九點半，唔需要分兩輪。
佢哋四月又有新玩意，係「堂弄鮮嚐．海鮮饗宴」，顧名思義，不少的海鮮項目，均有師傅即席現煮，質素肯定更高。
即開生蠔，依家已經愈來愈少，愛蠔的朋友生理無理先啪兩隻，大說「新鮮！」有生蠔，自然少不了其他的凍海鮮，如波士頓龍蝦、蟹腳、麵包蟹、青口及翡翠螺等，全部都好鮮美，特別欣賞麵包蟹，爆晒羔。中式的蒸海鮮，不論是蒸魚，抑或是蒜茸蒸生蠔，同樣迷人。
有奢華一點的嗎? 當然有，膠性豐富的花膠任你食，很可以了吧！以往，我好可能會略過粉麵檔，但是日的粉麵檔口，有大廚即煮各式海鮮，如青口、卜卜蜆、鮮魷魚及帶子等，其中的黨參紅棗杞子湯堂灼太白醉翁蝦更是超級亮點，大家都讚不絕口，需要encore。一向喜歡吃潮州食物，所以對這兒的潮式風味檔特別留意。既有一系列的鹵水，如爽口的大墨魚與生腸、韭菜豬紅、嫩滑滷水鴨及索味的豆腐等，也有香口既煎蠔餅，岩晒我口胃。西式熱食除左牛肋肉、豬鞍等，自然也不乏海鮮蹤影，最有創意大概是龍蝦汁蟹肉千層麵，比起傳統的肉醬，少一份膩滯感覺。日式美食方面，刺身與壽司，每樣來一點已很滿足。若你是週五或公眾假期到訪，更有席前即切原條日本直送油甘魚，記緊拿手機霸個靚位去影相打片。師傅即切即食，保証新鮮。素來愛吃香口嘢既我，每次都會瞄準佢既炸物區。今期更有麥啤酒漿炸魚、洋蔥圈及魷魚，天婦羅蝦更是巨大得令人興奮。平時吃自助餐，薄餅多半是焗起幾個放出來俾大家拎，有時已唔熱唔好食。這裡就有；即叫即焗薄餅，而且非常有心思，做成迷你份量，既熱辣十足，風味誘人，也顧及大家的胃口。甜品一向是這裡的強項，今期更有兩大主題系列，分別是近期大熱的杜拜朱古力，與及芒果系列。前者有感層次豐富的杜拜朱古力脆脆麻糬蛋糕、甘香誘人的杜拜朱古力軟心蛋糕，精緻的士多啤梨香草忌廉杜拜朱古力杯，以及杜拜朱古力撻，全部都好出色。如此矜貴的甜品可以在自助餐桌上任食，太幸福了吧！香芒系列都絕不執輸，師傅將自家製芒果意式雪糕拌上楊枝甘露配料，有趣。另外仲有可愛造型的芒果形流心蛋糕及芒果椰汁糯米飯布甸撻等，芒果控請留意。恆常有的榴槤系列仍會保留，甜胃也大呼滿足。今個主題，認真豐富~
餐廳資料:
Alva House
沙田源康街1號帝逸酒店1樓
36531168
沒有留言:
張貼留言