Fabrice 嚐味: 合和軒 - 冬日暖心之選

2025年12月17日星期三

人大了，要約齊一班朋友吃飯也不是容易的事，慶幸這夜大家都能抽空，提早吃一頓冬至飯。

想在酒店坐得舒舒服服，但又唔使話位上咁隆重，始終做冬還是大家拿起筷子夾自己喜歡的東西，會更自在，更似做節。

想了想，去年嚐過的合和軒，菜式有水準又唔花巧，仲有房係無低消同埋免開瓶費，似乎幾岩我哋。

不點套餐，自己喜歡吃什麼就叫什麼。既然是做節，必定要有湯水，女士都點上杏汁白肺燉花膠湯，夠晒養顏。男士們則都愛吃蛇羹，足料的出品，自行加上菊花瓣、檸檬葉及薄脆，暖身暖心。

收起湯碗，一系列的菜式也陸續送來。先說鴨肝豚肉卷，將薄片的豚肉包括著鴨肝，配以濃郁的燒汁，味道甘香，層次分明。

焗釀蟹蓋吃得多，呢度亦做得好，香噴噴很足料，一梳梳的蟹肉好吸引，加埋黑松露我是首次見識，原來都夾得來，但一份蟹蓋也真的太飽肚，為留力品嚐其他菜式，兩人分吃一客就剛剛好。

喜歡吃牛肉既我們，自然會點上野菌和牛面頰肉，用刀叉切開已感受到其鬆化程度，入口果然是軟腍入味，加埋各類菇菌的香氣，很精彩。

正所謂無雞不成宴，做節更加唔可以無雞，大家選來了松露咸香手撕雞。成品有幾分像鹽焗雞，頂頭再配以松露醬增添香氣。雞肉肉質嫩滑，咸香有致，比起吃傳統的炸子雞做冬，又別有一番風味。

冬天自然多煲仔的菜式，話梅豬手煲，膠質豐厚，醒胃的話梅很能引起食慾，在如此豐富的菜式之下，很有用。

胡椒大蝦粉絲煲，大隻又彈牙的蝦當然好，但識食既都知道墊底的粉絲才是精髓，煮晒味，又帶有胡椒的辛香，惹味非常。

單尾來兩款米飯，臘肉白鱔煲仔飯，打開煲蓋，香噴噴很吸引，米飯夠香亦有飯焦，香鱔跟臘肉的咸香互相輝映。

然而，相比起煲仔飯，個人更喜歡吃生炒瑤柱臘味糯米飯，略帶煙韌的口感，結合相當足料的臘味，我罕有地要添飯。

甜品既有懷舊的芝麻卷，亦有我喜愛的蛋撻仔，朋友再點埋紅豆沙、杏仁茶等，各適其適，大家都吃得高高興興地抱著肚子離開。

下次咁人齊飯聚，會是團年飯嗎?

2025年12月17日 星期三