食物：$$$$
環境：$$$$
服務：$$$$
十月在福岡嚐過一餐超正既日本燒肉，至今念念不忘，然而短期內也不會再訪日本，唯在係香港搵間有水準的燒肉店，止一止癮。
經朋友介紹，來了這家Kagura~
翻閱餐牌，款款牛都想食，那就放肆一下，做一日瘋狂的肉食者。
由和牛與未來牛拼盤開始說起。起初以為末來牛是素牛肉，原來我想多了，此末來牛與彼末來牛不同，這是來自北海道農場直送的品種。而呢盤拼盤，和牛就有特上牛肋肉、牛肩及上牛肩，末來牛分別有牛柳、牛肋肉，與及赤身。按店員建議，由和牛食起。特上牛助肉最有咬口，兩款肩肉達至入口溶化。要唔知醜讚下我哋自己把握火侯岩岩好。至於末來牛，朋友喜愛薄而大片的赤身，我則對厚切、有點點咬口而又不會過肥的牛柳情有獨鍾。
牛肉唔嫌多，再來份A4上牛肩肉眼，雪花分佈同樣美妙，比剛才的要切得厚身一點，卻依然是非常鬆化，脂香四溢。
雖然大家都是牛魔王/后，但也要來份豚肉吧，揀左味噌豬肉腩片，肥瘦相間，又夠入味，有權問鼎最佳配角。另外再要份菜蔬，南瓜、茄子、大蔥及洋蔥等，中和番下。見到有得燒鵝肝咁邪惡，我就流晒口水。燒至表面微脆，入口溶化，甘香到一個點，要高呼膽固醇萬歲！年紀大左，總想有點米飯落肚，呢度除左白飯，都有其他選擇。鵝肝末來牛石鍋飯，將鵝肝篤開撈埋米飯，香到不得了，再加一口鬆化的末來牛，好精彩。日式咖喱和牛飯，甜甜的咖喱汁讓人不經意地吃多了米飯。吉列和牛外脆內鬆化，同樣做到脂香十足，店員教路可放在爐輕輕烤一陣，會更迷人。最後來個末來牛成吉思汗燒，是大量菜蔬與牛肉的組合，店員會在席前淋上濃郁的汁醬，令蔬菜更加惹味。超級放肆的一餐，要罰自己翌日跑多三個圈作補贖。
餐廳資料:
Kagura
九龍城啟德協調道2號AIRSIDE 2樓L206號舖
26671822
沒有留言:
張貼留言