帝京軒 - 金秋．蟹悅宴

食物：$$$1/2
環境：$$$$
服務：$$$$

踏入十一月，我終於嚐了本年度既第一隻大閘蟹！

也是在帝京軒，我哋幾個食友每年都會係度來餐蟹宴，多年如是，彷彿已成為了約定俗成的事情。

吃什麼根本不用煩惱，因為套餐的金秋．蟹悅宴，已包含了十分精彩的菜式。

食大閘蟹要配花雕，除了味道匹配之餘，亦可以暖胃驅寒，這傳統的智慧，總有道理。

打頭陣的藝粹三小吃，是冷盤與點心的組合，醬香大麴溏心鮑，店員會在席前噴少許白酒，香氣散發令菜式變得更吸引。軟腍的鮑魚清爽怡人，作為開場最好。

生拆蟹粉小籠包是最大路的安排，薄薄的外皮，足料實在而又帶湯汁的內餡，是這個季節不會錯過的美食。蟹油元貝千絲酥外貌似蘿蔔絲酥餅，咬落酥香鬆化，內在當然比蘿蔔絲酥吸引十倍。

接著的蟹粉菜式，鮮姬松茸蟹皇虎蝦球。爽脆彈牙的虎蝦沾滿濃香的蟹粉，邊會有得輸? 旁邊兩片的姬松茸，味道香濃到唔講得笑，昇華了這道菜式。

套餐可揀蛇羹或者燕窩，女士們鍾情於後者，我就來一盅暖胃的蛇羹吧！很足料，仲有花膠絲係入面，今年未必會專門吃蛇羹，這樣來一碗就有夠滿足。

主角始終是清蒸江蘇大閘蟹 ，當然是吃蟹公，大約六兩重。全場頓時變得清靜，各人均努力著大大啖吮甘香的蟹羔，細嚐蟹腳。後生既時候會追求數量，不過到左我呢個年紀，一隻真係岩岩好。

下一道的蝦籽魚唇軟骨伴鮮鹿茸菌，骨膠原好豐富，感覺有幾分像在嚐蝦籽柚皮。

單尾不一定要粉飯麵，以精緻的龍蝦湯蟹餅五穀苗，視覺享受更為豐富。店員將龍蝦湯注入帶子及蟹餅的器皿內，有點像西餐的感覺，今時今日飲食文化共融，食客既體驗其實更加好。

大閘蟹餐的甜品，自然離不開薑茶，以金薯芋圓小丸子取締傳統的湯圓，為客食帶來新鮮感。

另一款即是金粉流星可可脆脆，我以為自己在吃朱古力，配搭大閘蟹餐，有趣！

唔知今年會食幾多餐蟹呢?!

餐廳資料:
帝京軒
旺角太子道西193號帝京酒店3樓
26226161