亞南雞煲 - 令人上癮的雞煲火鍋店

食物：$$$$
環境：$$$1/2
服務：$$$$

又同朋友來到亞南雞煲打邊邊，皆因呢度個雞湯底和火鍋配料都好高質，深受大家喜愛。

畢竟是食辣嘢，先來杯凍飲以備不時之需，否則到時辣到噴火，遠水救唔到近火。講起呢度既飲料就真係正，夠晒大杯，睇下我杯凍檸茶~

在等火鍋湯底滾起的同時，食啲小吃最為實際。墨魚鬚有夠爽口，皮蛋很香，兩者都辣度十足，有助打開胃口。

金黃鬆脆的蝦多士，是每次來必吃的項目，無一次會失望，好正。

是晚只是五人行，有考慮過只要一款鍋底，但席人有辣友，亦有唔太食得辣既朋友，最終還是來兩個鍋。惹味刺激的雞煲當然要吃，我哋仲加左帶子同埋花甲，滿足。

另一款就是蟲草花野生竹笙花膠湯濃雞煲，個湯底鮮甜到不得了，梗係啦，既新鮮雞，又大堆花膠，以及粗壯竹笙咁，如果係細食既朋友，單係點呢個鍋，已經可以餵飽你。

香港人打邊邊唔可以無牛肉，否則一定同你死過。安格斯牛小排，質素一如以往地高，睇紋理就知道。入口軟嫩，有肉香，叫碟大既肯定沒有錯。

席上有不吃牛的朋友，為顧及佢既感受，都要多份極品黑豚肉，細的就可以。其實都軟滑可口，質素絕不差的。

牛筋丸的質感，實在比起牛丸來得豐富多了。

再來些魚片頭、魚腐、墨魚春卷，以及鮮蝦卷，打邊爐總要有這些配角，鳳城水餃及墨魚滑等亦然。

喜歡吃雞子的朋友，呢度都有得供應，係咪即刻好想嚟呢?

最後再來些蔬菜籃，與及粟米，來平衡一下。

每次來，都是捧著肚子離開，今云都唔例外。

餐廳資料:
亞南雞煲
太子花園街211號地舖
23926100