海外篇：海南 - 與娘惹的結合

食物：$$$$
環境：$$$$
服務：$$$$

遊檳城，怎樣也要預留一餐嚐娘惹菜，體驗下獨特的風味。

這家店名叫海南，其實是海南混合娘惹的新派餐廳，今時今日的飲食世界，已愈來愈難 (其實亦無需要)區分是什麼國家/區域的菜式，好吃便是。

點好了食物，先來杯涼水，菊花茶和夏姑草都是自家煲製，喝得舒服。

打頭陣的娘惹香茅腰果蝦，好幾隻大蝦墊係底，爽脆彈牙，好少係檳城食到咁大隻蝦。再加上腰果、茄子及青紅椒等材料，賣相唔算特別靚，但感覺好豐富，同埋汁醬最好送飯。

再來是海南芋頭鴨，個人認為，粉嫩的芋頭才是重點。不諱言，我也是因芋頭先會柯打這菜式。至於「主角」的鴨嘛，鴨髀還是可以，但其他部位就比較韌，需要花點氣力來咀嚼。但呢道餸，同樣是很好下飯的。

檳城的餐廳，好多菜式都會加入蝦，就算是豆腐，亦配上幾隻。說實，我也不曉得這是海南抑或係娘惹的菜式，但就幾迎合到香港人既口味，好家常。

甜品的椰糖西米露，就可以肯定是充滿娘惹原素，椰糖的甜味跟椰漿的柔滑最夾，加上相信以蝶豆花洗禮過的晶瑩西米，口感略帶煙韌，冰涼舒服，在檳城熱到HiHi的天氣品嚐，特別合適。

只係俾左港幣約兩、三蚊貼士，佢哋已經開心到不得了。

知足，真可以常樂！

餐廳資料:
海南
47 & 49, Church Street, George Town, Penang
+60 12-235 4749