食物：$$$$
環境：$$$$
服務：$$$$
轉眼間又到八月，即是車媽媽與小丸的生日月，大家當然會食飯慶祝。
揀來帝逸酒店的逸軒，皆因佢最近出左個非遺雅宴的菜單，每道菜式都帶有非遺之原素，對於有番咁上下歷練既我哋嚟講，是幾吸引。
打頭陣的滷醃三品，一碟放上墨魚、皮蛋及刺參，依次序先吃潮式藤椒墨魚，口感爽嫩味鮮，既有潮式鹵水香氣之餘，也滲出淡淡的麻香，蠻清新的開胃小吃。
跟住食皮蛋，子薑及尖椒切成蓉，伴以冰花皮蛋，甘香醇厚。第三款的刺參，疼遺原素在於蝦醬，兩者結合成為醬香味濃，獨具鹹鮮滋味的前菜。
傳統點心是香港飲食文化不可少的一部分，籠香玉餃，餃子包裹鴨肉，特別又美味。同場加映自家製厚切叉燒，佢特別在以腐乳入饌，鬆化米通墊式，全部都是我哋由細食到大的食材，但結合起來，卻是既熟悉又帶點陌生的感覺。豐富套餐自然少不了湯品，雲吞花膠雞湯，湯頭濃郁可口，花膠厚身好吃之餘，廣東的金魚尾雲吞，也是經典美食，喝完一碗，非常之舒服。避風塘鹹魚茸豆豉煎馬友魚，是一道集結非遺技藝的美食，肉質厚實、油脂豐富煎得香口，配合以豆酥及麵包糠造成的新式避風塘風味，不得不佩服師傅的心思。陳皮滷水牛肝菌農場雞，驟眼看有幾分像扣肉，肉質帶有點嚼勁，仲有好強烈的陳皮鹵水氣息，感覺好滋補。大澳蝦乾魚肚杞子菜心苗，生曬蝦乾技藝令清淡的蔬菜多了一份香氣，岩晒重口味既我。是日正值立秋，脆芋絲臘味蟹肉炒飯，來得正合時宜。千層馬拉糕不是非物質文化遺產，但麻雀就是，所以師傅將之弄成麻雀一般，好味又充滿玩意。再食埋懷舊合桃酥，同埋港式鴛鴦茶凍，咸甜點都充滿非遺的點滴，大家都吃得十分滿意。最後食埋生日蛋糕，合過照，又是相當愉快的一夜。
沒有留言:
張貼留言