2025年7月4日 星期五

Truffle Bakery - 我的瘋狂早餐



食物:$$$$
環境:$$$$
服務:$$$$

麵包控朋友約食早餐,我都估到應該係食麵包的了,只是在猜究竟佢想去邊一間。

約半小時後,佢再發短訊過來,謎底終於解開。

原來是東京人氣麵包店Truffle Bakery,據聞佢哋既白松露鹽包,甚至係木村既至愛。

望住個餅櫃,選擇困難症幾乎發作,好在朋友早已鎖家目標。其中之一,也就是我最推介的,抹茶忌廉包。

奇貌不揚的抹茶忌廉包,外殼微脆,內裡是澎湃的抹茶忌廉,味道醇和又濃香,層次分明又好吃,令人一試愛上。

另一款的紅莓果醬鮮榨奶油包,包身軟熟,內裡既有香滑之奶油,又有醒胃的紅莓醬,比例岩岩好,清新美味。

當然要試埋佢既招牌白松露鹽包,口感軟熟,平凡之中點點鹽既咸香,的確出色,難怪得到木村的垂青。至於松露朱古力鹽包,就是香港限定,中芯那撮細滑又不太甜的朱古力忌廉,令成件事升價十倍,我覺得甚至比白松露鹽包有過之而無不及。

黑松露雞蛋三文治,大概是難以失手的項目。日本的雞蛋三文治其實一向無得輸,混入黑松露原素,只會錦上添花。

呢度都有飲品供應,我就試了新推出的抹茶柚子梳打,抹茶味醇和,沒有過甜,大熱天時呷幾口,很爽皮。

很瘋狂的早餐,當然是飽到中午飯都唔使食。

餐廳資料:
Truffle Bakery
銅鑼灣勿地臣街11號The Hedon地舖

沒有留言:

張貼留言