帝京軒 - 夏映宴

食物：$$$$
環境：$$$$
服務：$$$$

相隔大半年，再次踏足帝京軒，為的是佢新推出既餐單，夏映宴。

有留意開我文章的朋友，相信都對呢間中菜廳唔會陌生，所以唔再多講呢度既環境，直接介紹夏映宴的菜式。

打頭陣的滋潤三弄，有巨型版的桂花瀨尿蝦餃，相當足料，澄麵皮還添上繽紛色彩。脆口的腐皮卷，加入了邪惡的鵝肝醬，味道因而提升。

冰鎮茄子混了山葵汁醬，成件事來得很清新，作為頭盤開端最好。

鮑魚吃過不少，但配合炒蛋，刨上黑松露片，呢個組合又真係第一次，估唔到又幾合拍。

大廚精心設計的套餐，自然不乏湯品。松茸白玉薏米燉鴨腿湯，打開蓋時的香氣已相當吸引，喝下更是非常舒服，或許是我平時太缺乏湯水?

再來的一碟，既有細嫩清甜的南瓜汁菠菜，頂頭更是幼嫩彈牙、味道醒胃的本地乳龍蝦，好有層次。

龍躉煎得香口，魚皮更討我歡心，師傅介加入埋桃膠及萵筍等配料，放在魚湯之中，感覺高貴之餘，好清新怡人。

鹽漬鮭魚蟹肉五穀絲苗，乾身香口，再飽都要吃上大半碗。

席上有人大食積上身，想單點隻青檸香茅胡椒焗走地雞，一於奉陪到底。皮香肉嫩嗰啲是必然，最喜歡佢加插了東南亞的色彩，多一份清新感覺，坊間中菜廳亦較為罕見。

甜品之一的十勝紅豆3.6牛乳布甸，香甜滑溜。

玉兔奶皇糯米糍，可愛又好吃，墊底既消化餅醉我覺得是神來之筆，估唔到咁夾。

餐廳資料:

帝京軒

旺角太子道西193號帝京酒店3樓

26226161