食物：$$$$
環境：$$$1/2
服務：$$$1/2
週末約朋友午飯，Cafe好像是首選，對方建議食Pancake，我沒有異議。
還記得七、八年前，香港既Pancake專門店開到成巷成市，筆者都有到訪過唔少，但自從熱情減退後，我已甚少再吃。
今次嚟既Tera，我係第一次試。
雖然是Souffle Pancake專門店，不過都有Pasta及All Day Breakfast等咸食供應。家陣年紀大，甜食當正餐的日子已過，點都要有啲咸食才行，所以先來份All Day Breakfast大家分吃。不要拘泥於傳統英式全日早餐的款式，呢度既All Day，係沒有Black Pudding，甚至薯餅。不過佢既黑松露炒蛋 (當然只是松露醬)夠嫩滑，咸菇夠香，有半隻牛油果，同埋個窩夫也做得外脆內軟熟，都無乜要投訴。
又試左貝殼蛋糕，吃的是近期大熱的開心果口味。口感唔錯，同埋開心果味都突出，比想像中好吃。
主角始終是震騰騰的班戟，金萡Nutella 口味是我們的選擇。三層高的班戟，有夠鬆軟，做到應有的晃動效果。再講，空氣感足，配朱古力漿，好難會唔好食既。
友人喝茶，我就要杯乳酸飲品，本想結尾再來杯Affogato，然而我們的戰鬥力也實在太薄弱，唯有下次。
沒有留言:
張貼留言