食物：$$$$
環境：$$$$
服務：$$$$
福建菜，予我的印象是賣相比較平凡，味道家常的東西，從沒想過這菜系會係五星級酒店出現。
這夜，跟食友們來到茗悅，品嚐了一系列新派的福建菜色。可以先講總結，就係對呢個菜系刮目相看。
先來特色拼盤作熱身，閩南五香卷及福州老酒醉蟶子都是我所認知的小食，恰如其分。海蜇凍大概就是傳統土筍凍的變奏版，讓大家更容易接受。小金杯，與檳城吃到的娘惹金杯有點淵源，落在星級酒店大廚的手上，就成為了這道矜貴版本的蟹粉蟹肉小金杯，帶點辣勁，我喜歡。軟熟煙韌的潤餅皮包裹著滿滿之高麗菜、蘿蔔、蝦、花生碎及脆米粉等餡料，很粗身，自行沾上芥末或辣醬，以及甜醬油，好豐富好飽足。其實，每人半條就夠了，是我們眼濶肚窄吧~帝王蟹肉魚肚羹又是相當足料的一道，濃稠合宜，可以加點胡椒或者醋，成件事會立即唔同晒，昇華到另一個層次。再來的醬油水煮大烏賊，火侯拿捏得恰到好處，夠入味，唔會韌得像吃擦字膠。A4和牛三角，火侯同樣精準，入口鬆化，特色在於那焦糖洋葱汁，伴牛肉吃，又是另一番風味。將豆腐挖空再釀入配料，拌以細嫩的山蘇菜，又是我喜歡的一道。特別欣賞呢類手工菜色，山蘇菜既不苦澀，又唔刮脷，也是好東西。師傅將傳統的紅糟雞重新演繹，擺上大枱。雞肉外脆內嫩又多汁，味帶點點甜香，大家吃得都拍案叫絕。單尾既飄香红鱘飯，蟹肉鮮味，蟹羔甘香，與糯米飯渾然天成，只能吃至一粒米不剩，以表示對師傅的尊重。甜品環節，師傅在豆腐花上加入了我至愛的芋泥，以及各式生果粒，賣相更精緻外，口感亦更豐富好吃。把握著近期熱潮，師傅也弄來一款開心果椰蓉卷。來這裡，記緊要點一壺靚茶，好有水準。店名都有得你叫啦，茗悅丫嘛！
沒有留言:
張貼留言