鮮選壽司 - 性價比太高

食物：$$$1/2
環境：$$$$
服務：$$$1/2

早前同老豆去過鮮選壽司午餐，佢都幾滿意，話想翻兜，不過之後就痛風發作。

趁佢隻腳好番啲，捉佢出去行下，來食個Lunch，成日困係屋企真係唔掂。

性價比真心超高，以下既食物，估下埋單幾多錢?

先是每人一碗茶碗蒸，雞蛋都算滑，最緊要夠熱，同埋有蝦肉、冬菇等等，恰如其分。

高速列車再送來刺身與壽司，帆立貝一隻起雙飛，好在還鮮甜，甜蝦爽身，油甘、吞拿及三文魚很薄身，還幸仍是新鮮，畢竟都係Donki旗下的店子，其刺身質素總不會太差。

壽司環節，其中一個餐，有四款的三文魚壽司，有的面頭加入了爆汁既三文魚籽，有的則是脆卜卜既蟹籽，也有火炙過的，另一個餐就有油甘、三文魚及帆立貝等等，配上醋飯糰，呢個價錢，我絕無投訴。

仲有碗腐皮烏冬，同埋味噌湯，肯定夠飽肚。

套餐仲有雪糕送，估唔到佢係益力多味，我很喜歡。

咁多嘢食，埋單連加一，百四蚊有找，仲要有Coupon送，實在便宜得無話可說。可是，生意始終只係一般般~

餐廳資料:
鮮選壽司
荃灣大河道100號海之戀商場2樓2001號舖
24988889