海外篇：淳 - 天幕下的閒情逸緻

食物：$$$$
環境：$$$$
服務：$$$$

在港珠澳大橋隨便跳上一架氹仔既發財車，去到邊食到邊，隨心出發最輕鬆。

接近中午十二點到達美獅美高梅，中餐廳淳正準備開門做生意，見環境幾舒服咁，連餐牌都沒細閱便鎖定這裡。

樓底夠高，玻璃天幕下滲透出自然光，好有身處外國既感覺，的確好寫意。在此類氛圍飲茶，香港大概是找不到的。

先來壺養生茶，茶具都精緻過人，悠然地呷一口，再靜靜睇下有咩點心，享受真正既慢活。

來得澳門，都是打算拼命地吃好幾餐，今次也不例外，所以對自己說，緊記不能點太多食物。

套餐可揀三款點心，價格比起散叫會優惠些，那不如就要一份套餐，再另柯打一籠特色點心，首站咁樣，已足夠了。

芙蓉海皇蜂巢荔芋盒，大概就是我們所認知的芋角，是我最喜歡的點心之一。大口咬下，鬆脆非常，內裡的芋蓉香軟細滑，混入海鮮粒豐富口感，忍唔住口吞下了第二隻。

黑松露豚肉燒賣飽滿，豬肉蝦肉比例各半，黑松露醬令香氣倍增。

腸粉係牛肝菌金瓜上素腸，腸粉皮又晶瑩剔透，餡料色彩繽紛，睇起來已覺得好滿足。雖然是素，但由於材料豐盛，吃時口感層次好好，估唔到做得咁出色。

另外散叫的一款，是櫻花蝦鮮肉餃，皮薄而不黏牙，調味唔錯，頂頭的櫻花蝦收畫龍點睛之效，不錯吃。

只要不是星店，係澳門呢類有質素既地方飲茶，價錢確比香港便宜一大截。

餐廳資料:
淳
路氹城體育館大馬路美獅美高梅地舖