食物：$$$$
環境：$$$$
服務：$$$$
總覺得聖誕這個普天同慶既日子，係要同家人朋友去食自助餐的。
踏入十二月，酒店自助餐紛紛加入節日原素，好吸引好有氣氛。然而，要數到最吸引我的，一定是Alva House的可樂主題Buffet，畢竟我是個徹頭徹尾的可樂迷。
其實走到酒店大堂，已不見到唔少可樂加聖誕的種種，如那棵4米高的聖誕樹，掛滿可樂吊飾。另一邊則有由可樂罐砌成的聖誕樹牆，都是打卡的好地方。
都係果句，自助餐食物種類太豐富，我唔會全部列出，要同大家分享些節日或者我較喜歡的項目便是。由凍海鮮開始，開邊波士頓龍蝦、翡翠螺、凍蝦以及麵包蟹等基本嘢自然一應俱全，呢度仲有港人至愛既即開生蠔，隻隻飽滿，新鮮可口。逢星期五至日，都會有即剖油甘魚，咁樣即刻將魚解體，又點可能唔好食呢！可樂主題之熱食，代表有可樂豉油雞，同埋炆和牛肋條，前者的精華在於混入了可樂的秘製醬汁，和牛助條勝在夠鬆化。節日限定，當然還有燒原隻火雞，與及燒美國斧頭扒肉眼，兩者大概是聖誕的必須品，食肉獸表示十分喜歡。中式嘢食之中，蒜茸蒸龍蝦、避風塘炒龍蝦及薑醋都幾好，亦燒味比較普通左啲，我最期待的片皮鴨亦在陣，自行用麼麼片包裹著，吃兩件才收手。日式串燒及天婦羅，每樣拿些少回去，再加埋邪惡的鵝肝多士，滿足。甜品才是重點。一系列可樂相關的甜點，非常吸引，最吸睛的毫無疑問是可樂罐沿垂半空的香蕉朱古力蛋糕，另多款傳統節慶甜點，譬如聖誕果子餡餅、聖誕薑餅、栗子蜜柑啫喱禮物盒，及造型一絲不苟的杏仁糖樹頭蛋糕和開心果意大利芝士聖誕樹等，真係睇見都開心。除左石樂相關之甜點，呢度既榴槤甜品系列又係不可能錯過的，不管是原個榴槤造型的蛋糕、榴槤奶凍、泡芙等等，都是相當有水準，榴彈愛好者請留意。今年聖誕，我呢個可樂迷真係高興到不能言喻。
沒有留言:
張貼留言