北京老家 - 帶外國朋友來吃就無錯

食物：$$$$
環境：$$$$
服務：$$$1/2

Yan從楓葉國回港探親兼渡假，肯肯定抽時間大家聚一聚。

畢竟佢回來的時間唔長，未必可以見好多次，大伙兒索性同佢一次過下午茶晚飯直落，傾到夠為止。

下午茶另文再談，今篇主要講講晚餐。主角要求吃北京填鴨與小籠包，所以便來了北京老家。

先來幾款涼菜，醉雞大概是必點的項目之一，賣相都幾靚仔，肉第嫩滑，唔怕死實實，滲出微微酒香，可以的。

接著來的蒜泥茄子更加出色，茄子不是唔會溶溶爛爛咁，蒜泥和麻醬調得不錯，微辣但沒有很漏的感覺，多吃幾條都無問題。

糖醋小排骨份量唔少，甜甜酸酸是開胃，唯獨質感略嫌唔未鬆化。

重頭戲當然是主角指明要吃的北京填鴨，老派片法唔會有什麼又淨皮又淨肉，總之件件連皮帶肉，入口甘香又鬆化不嚡，配搭青瓜絲及京蔥，沾上鴨醬，一件一件以麼麼皮包裹著吃，實在不俗，大家都要跟主角爭食。

小籠包都是老派的那種皮略厚、湯汁小的出品，但至少豬肉餡做得可以，都無乜投訴。

相比之下，大家都更欣賞水餃，皮夠滑，味道好。

生怕主角吃不飽，再柯打份炒刀削麵，味道同樣出色，同埋唔知點解，我覺得有點點像檳城少粿條的感覺。

再來兩碟菜蔬，怕辣的就吃上湯津白，嗜辣的就主攻熗炒手撕椰菜。

甜品都是傳統的高力豆沙，與及拔絲蘋果，相信在加國未必能嚐到如此風味。

餐廳資料:
北京老家
尖沙咀加拿分道25-31號國際商業信貸銀行大廈8樓
34622518