食物：$$$1/2
環境：$$$1/2
服務：$$$$
平時甚少睇戲既我，大概一年只會入戲院一、兩次 (對上一次係破地獄)，估唔到今年年頭就已入場，純屬巧合，又係黃子華。
完場後，跟朋友在附近食晚餐，我想起這幢食肆林立的工業大廈億利。
工廈四樓的其中一家Cafe，叫做哈欠，曾經是在東沙島街地舖的寵物友善餐廳，我久唔久會幫襯的。
搬左嚟荔枝角後，我是首次光顧，食物跟店舖的風格均有所轉變，又即管試一試！可揀一/二/三餸配主食，另外亦可以優惠價錢追加咖啡及甜品。
大家都要了兩餸，主食方面，朋友的海苔拌飯幾似樣，據說味道都對辦。而我，從來是蕎麥麵的支持者，冷蕎麥麵一定岩我心水。大家選不同食物再分享，香草烤南瓜是其一，南瓜鬆軟綿密，是稍稍咸了一點。不嗜辣的朋友想挑戰麻辣手撕雞，我當然奉陪到底。雞肉其實幾嫩滑，麻辣味型是對的，朋友吃完要大喝幾啖水，於我而言是恰好，但重點是配角的蒜子，非常好吃。我就選擇了一款比較適合配飯的櫻花蝦蒸水蛋，質感好滑溜，少少的櫻花蝦作點綴，幾好的。單食可以會略略偏咸，但伴飯應該剛好。另一款是椒鹽粟米，呢度出品沒大排檔的惹味，但粟米又總唔會話唔好食既。
加左些少錢轉咖啡，見有Oreo Latte的新口味，又點了。然而，我還是寧願喝回傳統的鮮奶咖啡。
餐廳資料:
哈欠
長沙灣長沙灣道883號億利工業中心4樓404室
23868837 / 57927808 (WhatsApp)
沒有留言:
張貼留言