海外篇：鈴の屋 - 田樂燒

食物：$$$
環境：$$$1/2
服務：$$$1/2 

雖說日本周圍都是好嘢食，但每次去當地旅行，總會遇上一餐半餐不合心水的，包括這次。

在榮商圈附近的聆之屋，走健康路線，主力豆腐田樂燒，我真心麻麻，不過老媽子有興趣。

人客蠻多，樓面人手卻嚴重不足，需要耐心等待，不過香港人都見慣見熟呢種情況啦！

左看右看，還是挑了相對無咁健康的天婦羅餐，內容既有田樂燒豆腐、什錦天婦羅、白飯、漬物及味噌湯等。

以各式漬物打開胃口，三件的板豆腐田樂燒，質感都可以，唔會太死實或者散晒，甜甜的汁醬醒胃，若然是淺嚐的話，我覺得合格有餘，但是一嘢三件打爆我胃納，對於食肉獸既我而言，肯定是太寡，唔會滿足。

天婦羅食材新鮮，外衣鬆脆不太厚，沾上蘿蔔蓉及天婦羅汁醬，總算是一點慰藉，尤其是海老天婦羅。

如果怕天婦羅熱氣既話，有更健康的田樂燒套餐，更多款的漬物，田樂燒方面就是一磚豆腐，以及銀杏、菇及蒟蒻等，筆者大概不懂欣賞。

好想溝貨~~~

餐廳資料:
鈴の屋
栄公園オアシス21地下