塚田農場 - 美人鍋

食物：$$$1/2
環境：$$$$
服務：$$$ 

幾間塚田農場之中，以尖沙咀呢間的景觀最優質，畢竟都是正對著維港，香港真係好靚。

聖誕節前後，天氣有點涼，吃些鍋物暖下身最好，於是就來食美人鍋。

懶得散點，直接要個二人的美人鍋套餐便好，內容已經相當豐富，店員話三個人都夠食。

套餐有跟飲品，都選了Mocktail，紅噹噹的紅菜頭蘋果，徹合節日氣氛，而且感覺很健康。而我的那杯就是熱情果茶，都幾清新。

先來刺身三點，吞拿魚三文魚及帆立貝都新鮮，作為開場都無乜投訴。

酥炸魷魚好韌，要花力氣去咀嚼，我吃了幾粒已收手。

接著來是維他命塔的東西，其實就是碟內鋪點菜蔬，再以玻璃杯Cup住青瓜粒、橙粒及番茄等食材，拿開杯子，各式食材散落，再撈埋醒胃既汁醬，說穿了就是一款色彩比較鮮豔的沙律吧！

之後的雞肉、生蠔及美人卷平平無奇，反而個梳乎厘玉子燒就好有驚喜，很軟熟，蛋香十足。

吃至此時，重頭戲的美人鍋要端上來了，奶白色的啫喱慢慢滾起變成濃湯，差不多可以下配料了。

雞肉帶來雞髀的部位，喜歡啖啖肉的筆者，無投訴。另外雞肉丸都是手打，並不是現成貨色。

蔬菜籃好靚，砌得像盤花一樣，今時今日打邊邊的菜籃，真係唔講得笑。又番茄又三色椒又蘿蔔片又青瓜片等等等等，顏色亮麗，唔覺唔覺好似食左好多菜咁。

食埋個雪糕作結，飽足矣~

又係傾到餐廳打烊才捨得走的晚上。

餐廳資料:
塚田農場
尖沙咀廣東道3-27號海港城海運大廈2樓OTE 202號舖
24670777