食物：$$$$
環境：$$$$
服務：$$$1/2
對星馬菜的抗拒力近乎零既我，當有朋友相約食這個菜系，自然會應約，那管當時還未了解餐廳是什麼料子，只知道有個好特別的名字，叫『獅叔』。
店子位於旺角的The
Forest，孤漏寡聞既我是從沒踏足過這商場半步。
好Colourful既裝潢，明顯是走年輕路線，與同區的蘇媽蘇媽風格截然不同。
管它傳統還是新派，一客肉骨茶便知龍與鳳。這裡的肉骨茶是馬來西亞版本，深不見底的茶湯勝在夠熱，喝下去醇和而帶點藥膳氣息，很舒服。碗內的一字骨份量唔少，而且鬆化易離骨。豆卜、油炸鬼等索味的東西，從不是配角。
之後有炸雞皮卷，其實香口既雞皮包裹著雞髀肉這邪惡的東西，邊有可能唔好食?
記緊沾亝巴醬同吃，惹味得多。
也來點串燒吧！要來豬肉串，肉質不韌，沙嗲汁帶點點香辣，吃罷再整番啲洋蔥粒及青瓜粒來清新番下。
最後是虎蝦球飯粒，虎蝦質素比預期中更好，爽彈又充滿蒜香，沾些酸辣汁醬仲好食。將米飯弄成飯粒，印象中是馬六甲常見的呈現方式，味道都唔錯。
見佢杯珍多尖蕊龍鬚冰好IGable，即要一杯。簡單而言就是珍多冰之上放了龍鬚糖，味道以椰奶為主。
有新派又水準唔錯既星馬菜館來吸引下年青人，不失為一件好事。
沒有留言:
張貼留言