炭家 - 炭燒鰻魚

食物：$$$1/2
環境：$$$$
服務：$$$$ 

778生日聚第二回～

因為某些原因，飯聚延遲至九月才舉行，不過無所謂喇，最緊要大家可以開開心心坐低一齊食。

地點是主角指明想吃的鰻魚飯專門店炭家，食家蔡瀾大力推介，筆者亦曾經光顧過，印象唔錯的。

叫做炭家，顧名思義就是炭燒，這做法在東南亞地區相當普遍，但在香港卻是十分難得。

都係以茶碗蒸和鰻魚啫喱打頭陣，蒸蛋嫩滑，亦混入了鰻魚粒豐富層次，後者清新又特別。

先來幾串串燒，雞翼燒出來香噴噴，我沒有試，但聽說合格以上，反而大家有所期待的鰻魚肝，卻燒得有點過火。

燒雞腿口感實在，不過素來愛吃邪惡食物既我們，始終覺得爽脆的雞腎較為吸引。

來這裡的重點，始終是為了鰻魚重。蒲燒味道香甜，鰻魚沒有細骨，要挑剔是未算很厚身，但蒲燒汁醬撈埋圓潤的米飯及蛋絲，是好吃的。

原來可以揀蒲燒與白燒雙拼，即來一客。蒲燒口味我就不再重複，白燒其實來得更香口，絕不遜色。

飯糰好重牛油味，有人喜歡有人嫌棄，反而旁邊的牛蒡，就人人愛吃。

由於牛蒡大受歡迎，又淨點了一份牛蒡，結果份量是...... 哈哈~

食牛蒡食飽了。

餐廳資料:
炭家
中環歌賦街24號地舖
27270013