昼月 - 飲!

食物：$$$1/2
環境：$$$$
服務：$$$1/2 

與久未露面的朋友聚頭，大家揀左食呢間日本嘢昼月。

呢度既既大賣點，就係清酒。男士$298，女士$98，任飲！

是歧視男生? 看輕女士的酒量? 抑或是市場推廣的手法? Who cares，飲啦！

筆者對清酒一竅不通，然而識飲識食既朋友就大讚呢度既款式多質素好，對得住個價錢有餘。而且為使客人更放鬆自由暢飲，大家係可以隨意自已行去個酒櫃度自斟自飲。

你可以坐低咩都唔食，就咁俾$98/ $298 來飲，當然我哋係要食埋嘢喇，揀左個壽喜燒十五品的二人套餐。

套餐先來的，都是最好的酒肴，鱈魚乾。乾身香脆，沾上Mayo，吃不停口，我對此品從來是無法抗拒的。

另外的自家漬番茄，很像中菜嚐到的話梅番茄，多汁醒胃，粒粒飽滿，好吃。

每人一隻生蠔，估佢唔到用上法國蠔，幾Creamy，生蠔真不一定要配白酒，跟清酒亦十分合拍。

各款刺身勝在新鮮，件件厚切，過足口癮。

清酒浸鮑魚，已切成薄片，吃時更方便。這味東西，重點故然是旁邊的肝醬，無左佢不如不吃。

店員端上鍋物，是的，我最期待的壽喜燒要登場了。三款A5和牛，分別是西冷、赤身和肩肉的部位，另有一款豚肉，合共四款肉，食肉獸自然口水流。

幾款肉類之中，西冷絕對是首選，畢竟的都是喜歡入口溶化的感覺，其次肩肉都蠻有水準。

最後的甜品，是近期大熱，圓碌碌的士多啤梨拿破崙。

仲諗住食完今餐行過去近期既超人氣店買番隻食，家陣唔使lu～

餐廳資料:
昼月
銅鑼灣謝斐道535號Tower 535 3樓301號舖
94707280