食物：$$$$
環境：$$$$
服務：$$$$
短期內未有時間飛日本，唯有繼續我係香港既Omakase系列。
今次到訪的，係位於灣仔杜智臺地下
(以前杜老誌嗰度)既鮨婷，門面十分低調，好容易行過而不見。
地方唔大，我哋八個人就可以包場，嘻嘻哈哈咁嘆番晚。
事不宜遲，廿三品的廚師發辦由慢煮豆乳海膽開始。細滑富豆香的豆乳與鮮甜的海膽，與及咸香的烏魚子，是個很好的開端。
接下來的三件，右口魚刺身捲著紫蘇花同吃，味道確是更勝一籌。鲷角刺身面頭放上點點魚鬆，又是神來之筆。右口魚裙邊經火炙過，油香自然滿溢，充斥在口腔之中。
爽脆的赤貝，簡簡單單以岩鹽作調味，已是上品。兵庫縣的黃金武士蠔，爽甜亦帶有海水味，與近年流行的令和之怪物，是截然不同的風格。
接緊香港人至愛的海膽，鹽水海膽的顏色最為鮮艷，味道也較為濃厚。將馬糞膽混埋紫海膽同埋三文魚籽一併放入口，鮮味在口中爆發，加上三文魚籽的爆汁感覺，是多麼的美妙。
師傅跟住要準備汁煮八爪魚，看師傅好輕鬆地將八爪魚切開，可知質感一定會是軟腍。
我的確無估錯，再配上少少柚子皮去帶出清幽味道，不用花巧。
將梭子魚燒香，伴以真鲷魚春，岩晒喜歡吃香口嘢既我。
沙甸魚卷做得恭整，可見師傅功架。將醃漬鯖魚以火槍炙燒一下魚皮，多一份香氣。
嚐過入口溶化的壽喜燒後，就輪到壽司環節。
吃至此時，其實已飽左大半，所以請師傅要少飯。第一件係帆立貝壽司，看成品可知師傅手握的技術了得，而帆立貝亦毫無疑問地厚肉鮮甜。
一直以為白蝦就是細細的，但嚐過這件磯之雪昆布白蝦壽司，就知道我是如何膚淺。
爽身的針魚質素亦令人滿意。
不過，我跟大部份香港人一樣，都是比較喜歡吃脂香十足的中拖羅。
另一款港人至愛，赤海膽壽司，鮮甜得教人拍案叫絕。還有火炙過，脂香十足的赤鯥，與及打大佬級邪惡的吞拿魚卷，飽到一個點。
再嚐一口像蛋糕口感的玉子燒，呷啖味噌湯，咸點正式完結。
甜品亦不是水果咁簡單，師傅精心製作的嗓莓凍餅，正好發揮解滯之作用。
今個週末我都要食壽司止下癮！
回覆刪除快食
刪除