食物：$$$$
環境：$$$$
服務：$$$$
從日本回來後，食神好像漸漸遠離我，吃過幾餐都不太滿意，除了這裡。
開左近半年的中餐館，人氣稱唔上十分熾熱，在開飯網站只得不足十個食評，Walk
in都好大機會有位。當然，訂枱是比較穩陣。
個人幾鍾意個魚池，感覺就是海洋公園萬豪嗰個既迷你版，或者我講得誇張左。
今次同家人來飲餐茶，簡單吃些點心為主。上湯煎粉果令人想起鳳城，超鬆脆的外皮，餡料既蝦大隻又爽口，浸上高湯，水準比起鳳城有過之而無不及。
跟很多酒店/
高級中菜廳一樣，點心是可以按人頭去加減。鮑魚雞粒酥的個子好的殼，咀巴稍大的朋友都可以一口吞下。鮑魚軟腍，而雞粒與鮑魚呢個配搭從來是合拍，撻皮可以鬆一點就更好。
鬆化甘香的芋角素來是我最欣賞的點心之一，呢度都做得很好，少少的鵝肝醬作點綴，純粹令件事矜貴一些。
不是傳統的灌湯餃，這兒的是浸湯餃，餐牌也早已註明。即使是浸在湯內，皮滑而足料，也會好吃。旁邊仲有原條花膠，雖不是又厚又膠住個口既貨色，但$98的收費，沒有投訴吧！
咬一口牛肉餅，有幾分像吃九龍城清真的感覺，但就沒有那麼爆汁。
排骨蒸陳村粉，籠子很大，但其實份量不是太多。陳村粉的口感好，排骨好讚，咬落既唔怕死實實，入味亦不是死咸，吃完一件又一件。
食物大致出色，可以放心柯打甜品。開心果凍又是驚喜之作，濃香細滑，感覺清新，頂頭還加入些燕巢來增添貴氣。
炸香蕉外鬆脆內柔軟，比想像中好吃，如果可以跟英國佬做法，配一球雪糕，那肯定更棒！椰汁千層糕加入了洛神花，帶出清新氣息，也不用每次都是加桂花咁悶。
單都未埋，老媽子已經好似想Encore～
鮑魚酥係我家主子至愛呢！
回覆刪除你個邊有無地方食到?
刪除都有呀，有好幾間酒樓都有。
刪除