Mr Wolf - 回味不列顛之點滴

食物：$$$1/2
環境：$$$$
服務：$$$$ 

復活節的幾天假期，每日都是在吃，其中的一餐，是778的聚會。

奧尼爾拋出數個地方俾大家選擇。千揀萬揀，挑來了中環的這家Mr. Wolf。

英式餐廳，環境頗舒服，餐牌中的美食，令我想起N年前在不列顛的生活點滴。

有人說出外吃英式大早餐好唔划算，來來去幾款在家也弄得出來的東西，但其實氣氛又點會一樣呢?!

再講呢度既大早餐，除左煎蛋、焗豆、煙肉及香腸等，仲有我喜歡的薯條，同埋係香港已很少遇上的黑布丁。雖然雙蛋煎得麻麻，但有黑布丁在陣，於我這個死忠英迷而言，絕對可以加分。

炸魚薯條，條魚唔算太大，不過色澤唔錯。咬落微脆，可是魚肉無甚味道，需要靠外來汁醬來調味。粗身薯條，也就是當地風味。

除了大早餐，總覺得班尼廸蛋也是屬於假日的食品。可惜呢份出品，兩隻水波蛋全不流心，講完。

意式的肉醬意粉，感覺其實有點港式。

以前在不列顛也經常會吃印度食物，Chicken Tikka是其中之一。雞塊雖不太嫩，但遙充滿香料氣息，仲有一定辣度，吃不了辣的朋友，幾乎要噴火。

即使手中的Flat White，風味也不似預期，我同奧尼爾有同樣感覺。

食物水準平平，大家亦沒有信心再點甜品。

餐廳資料:
Mr Wolf
中環皇后大道70號卡佛大廈5樓
25260838