食物：$$$1/2
環境：$$$$
服務：$$$$
作為一個饞嘴既人，自然會光顧不同的米芝蓮星店，或者由星廚自立門戶的餐廳，務求嚐盡好西。
Oliver
Elzer的大名，無理由唔識。由Seasons年代已經開始吃，對佢既出品無庸置疑。
由佢打理既Clarence，一直在我的wish
list之中。拖了良久，機會終於來了。
餐廳設有廳房，大伙兒同朋友慶祝生日就岩晒。
無謂傷腦筋，吃Signature
Menu就好。一開波係黑虎蝦，非常之厚肉，簡單以檸汁醃製過，帶出其鮮香，打開胃口。
吞拿魚配了乾蔥汁醬，連埋墊底既牛油果蓉一齊放入口，另一款清新菜色。
再來的前菜就豐富了。係海膽泡沫、蕃茄粒、墨西哥脆脆以及八爪魚粒等的組合，一定要用匙『筆』到落底，才能清楚嚐出縱橫交錯的層次感，總之不論味道抑或口感，都很有驚喜。
接著是兩款串燒，炭烤在香港已贏左一半，智利海鱸魚嫩滑，醬汁又再把分數拉高，八爪魚亦然。醬汁的運用，絕對是Yakifrency的精髓，與日式串燒總是有所區別。
主食可以揀個人獨食的食品，也有些是可以二人分甘同味的，如這份魔鬼魚。肉嫩，而且香口，中芯的軟骨其實也可以吃的，只是我並不特別喜愛，會把它吐出來。
可分享的，還有這隻羊肩。驟眼看似雞髀，當然也就是巨型得多。咬落很嫩，沒有好強既羊羶味，我會喜歡沾些少辣椒粉，又是另一番的滋味。
甜品是近年流行的牛角酥窩夫，外脆內軟，加埋海鹽焦糖漿，最緊要係配埋牛奶雪糕，是完美的甜蜜終結。
期待手持累積廿三粒米芝蓮星星的Oliver
Elzer，能夠再添星光。
牛角酥窩夫，我都仲未試過添😅
回覆刪除呢D古怪嘢係香港先會搞出嚟
刪除