食物：$$$1/2
環境：$$$1/2
服務：$$$1/2
天天海南雞飯，就算未去過新加坡，都應該知道吧！
香港人好幸福，不用去獅城，亦可吃到天天。而且香港的Tian
Tian
Authentic，更加係引入了四家新加坡米芝蓮推薦的品牌，除了為人熟悉的天天海南雞飯外，仲有老街坊、超好麵，以及五十年代，讓食客一次過滿足四個願望。
為左試到各店既名物，所以叫多幾位朋友仔一齊。
家陣去到邊度都要食叉燒，見呢度有迷迭香火焰黑金叉燒，即點來一客。叫得火焰叉燒，不難想像就是在席前點火，提升其香氣。星馬的黑金叉燒有別於本地的出品，會以甘草、八角、陳皮等去炮製醬汁，味道不像我們的甜，質感也是偏向煙韌，好吃之餘，打卡亦一流。
大蝦冬蔭公也是表演環節，因為店員會在大家面前既大頭蝦逐隻放入湯內烹煮。這一味冬蔭公，湯頭酸辣俱備，而且嚐得出各式香料之層次，加上爽口既大頭蝦，開胃可口。
星洲的另一經典食物，必要數到肉骨茶。走新加坡路線的白水，以胡椒味為主導，但亦滲出微微的藥材氣息，我也頗喜歡。除了鬆化的一字骨外，還有豆卜、枝竹等索味的東西，沾些少濃濃的黑醬油吃，實屬不倍。
『老街坊』牛筋牛腩煲，牛腩勝在鬆化入味，牛筋嬴在口感，加一埋牛蒡落去，感覺更好。
大家的焦點，始終落在天天海南雞之上。雖不能與新加坡總店直接相比，但至少也做到肉質嫩滑，三色醬之中，黑漆漆的甜醬油從來是我心水。
青咖喱內有唔少海鮮，包括魷魚、青口、大蝦等等，味道唔太辣，配飯最好。
另一款萬眾期待的菜色，正是炒肉蟹。今次既做法，既不是咖喱，亦唔係胡椒炒，而係辣椒炒肉蟹，味道酸酸辣辣的幾醒胃。蟹鉗固然是啖啖肉又鮮美，蟹蓋亦比預期之中更加多羔。
海鮮雞油炒飯本已好吃，頂頭放滿了魚子，不單層次更豐富，也是為打卡而設。
飽到癲左，但面對色彩繽紛的三色糯米椰漿甜飯，怎樣也要吃幾口。
一杯濃香甜美的50年代南洋咖啡作結，我理得佢夜晚瞓唔瞓得著喇~
其實，我係任何時候都可以喝咖啡的人啦！
沒有留言:
張貼留言