食物：$$$$
環境：$$$$
服務：$$$$
曾經參與過一個韓餐廳的Project，要在短時間內試勻本地多間的韓國料理，一日起碼食三間以上，好有挑戰性。
轉眼間，原來已是七年前的事。
朋友問我有無食驚左，仲有無興趣再吃韓餐。我既答案係：怕什麼?!
最怕無得食~
結果，佢就帶左我嚟時代廣場呢間新既韓式餐廳Sul Jib。
甫坐低，沒有奪目的N小碟，只是簡簡單單的菠菜及雞髀菇，已經足夠。
嘢食陸續送來，芝士泡菜煎餅，起初還以為會頗膩，但原來酸辣的泡菜中和了芝士的飽滯感，多吃兩件也沒有問題。
平時吃燒豬皮，甚或炸豬皮居多，呢款甜中帶微辣，醒胃又煙韌的出品，又幾特別，令人吃完一片又一片，停不了口。
好多時去韓國，都係為左食醬油蟹，今次我唔單止食蟹，直頭來個醬油海鮮拼盤，更加滿足。拼盤內容相當之豐富，除左有一隻蟹外，仲有鮑魚、帶子，甚至縞蝦。用上了縞蝦，自然鮮爽，醬油又夠入味，好正！帶子也是勁厚肉和鮮甜，鮑魚已切成條，入口唔韌。醬油蟹當然就要配飯了。
最後就是白切肉配八爪魚，白肉帶點肥，鬆化而甘香，配埋漬蘿蔔連同生菜，塗上豆醬及韓式蝦醬同吃，比想像中更出色。反而八爪魚切得較為大舊，如果可以切細些少，就更合心。然而，整體來說已是合格有餘的分數。
我杯柚子梳打，頂頭仲放了西柚及檸檬片，賣相又有分加。
呢間新店，蠻有驚喜，可以回頭。
沒有留言:
張貼留言