食物：$$$1/2
環境：$$$$
服務：$$$1/2
後生嗰時，每每喜歡大啖肉，加份足量甜品，美式餐廳最合心水。
年紀漸長，飲食習慣亦趨向中餐或日餐，甚少再光顧美式嘢，不過今次例外。
這次朋友揀既呢間，更加是在旺角朗豪坊，一個我也忘了多少年沒來的地方，讓我回味一下年少輕狂的日子。
難得放肆，就來杯Cocktail吧!
餐廳叫得做Smokehouse，不少飲品也大玩煙燻，包括朋友的一杯Pink
Margarita，以及我既呢杯Red
Apple。
Carpaccio不限於在意大利餐廳出現，在這裡亦可遇上，而且呢份生牛肉薄片，其牛味既香，質感之軟嫩，以及調味也相當合我心水，是個非常好的開始。
之後是牛骨髓。廚子為減低膩既感覺，還會加入紅酒和牛、無花果及洋蔥醬汁等等，吃起來層次更加豐富，伴多士也合適。
作為牛魔王，當然要一嚐呢度既Short
Rib喇~
份量一如預期的巨型，但肉質是勁軟腍，好重肉香，帶骨的Short
Rib 真係無得輸。
另外都叫左條烤鱸魚，同樣係有番咁上下斤兩。魚皮烤得香脆，肉質保持嫩滑，全無腥味，炭烤自然有分加。淨吃本身其實都夠味，不過沾些松露牛油汁，又有另一番滋味。
甜品揀了我一向喜歡既Red
Velvet Strawberry Eton Mess，都係幾經典的款式。House
Biscuit Gelato贏在口感，結合埋士多啤梨及紅絲絨蛋糕，甜甜酸酸的味道可能令我多吃幾口。
同朋友大杯酒大啖肉，仲有大份甜品，呢啲時光永遠都係開心既，即使我已經年少不再。
我初時以為甜品係pavlova😋😅
回覆刪除有D似既
刪除