2022年12月28日 星期三

Testina - 由頭吃到尾



食物:$$$$
環境:$$$$
服務:$$$$ 

飯局浪接浪,今次朋友揀既呢間,係我期待已久,以牛內臟聞名的意大利餐廳Testina。

呢個飲食集團所營運既餐廳星光熠熠,Testina既來頭亦都唔少,要摘星似乎只係遲早既事。

餐牌一頁紙,選擇唔算多,不過就見有豬頭、牛心、牛肚、牛舌及牛骨髓等,貫切大廚嗰Nose-to-tail的烹煮理念。

甫坐低,店員便奉來麵包籃,不喝酒的我們,也叫些Mocktail來應下節。

頭盤之一的牛仔舌,切成薄片,砌得似花般美。入口有幾分像風乾火腿,軟熟又帶點羶香,配以意大利吞拿魚醬,有個好開始。

上星期才在Fortnum & Mason嚐過雞肝醬,今次又再吃了。這兒的出品除了軟滑,還加入了芝麻及Nuts,塗在香脆的多士之上,口感層次都更為豐富。

以往吃金錢肚都是上酒樓,吃蒸的。炸金錢肚真是首次見識,乾身又香脆得像食薯片的出品,好特別好有驚喜。

聖誕期間特別推出了青口,是細嫩鮮甜的,但與剛才的幾款頭盤相比,就顯得平庸。

Pasta只選了一款,係鴨肉醬濶條麵,味道濃郁,意大利人做麵條當然也夠咬口,可以的。

主菜之一的BB八爪魚,質感是爽脆的,味道是濃甜,不過更搶鏡是墊底的薯茸,香滑可口,明知是邪惡都忍唔到口。

在餐牌找到一味豬頭既菜色,當然這不是原個豬頭放上枱,而係用上左豬面頰。香脆有層次,油脂感甚為豐富,感覺肉食緊五花腩。

牛心既嫩紅色澤超吸引,口感爽脆,令我吃完一片又一片。

大時大節,當然要吃些甜品才夠圓滿。濕潤柔軟的榛子蛋糕,沾上香甜既沙巴翁醬,是店員的推介。

另一款像鳥結糖之甜品,配上黑朱古力漿,好有聖誕既感覺,皆因也是期間限定的好東西。

吃得滿足,再交換埋聖誕禮物,大家滿載而歸!


餐廳資料:
Testina
中環擺花街8號3樓
27980668


沒有留言:

張貼留言