麻辣燙 - 外國人也愛的川菜

食物：$$$1/2
環境：$$$1/2
服務：$$$1/2 

講到鬼佬川菜，呢間中環既麻辣燙比起早前在歷山大廈吃過嗰間，更加鬼佬。這夜全場爆滿，但只得我哋一枱係香港人，彷彿身處外國既唐餐館。

當然，呢度來頭絕對唔細，佢由2011 – 2013取得米芝蓮一星，2014 – 2022為米芝蓮推介，或者係咁，啲外國人就識得摸上門。

睇睇餐牌，樣樣都想食，好不容易才揀定了幾款餸菜。

食辣嘢，都係叫定杯凍飲，以備不時之需。不喝酒的朋友，荔枝梳打和薄荷青檸梳打都是好選擇。

燈影牛肉，其中的一道四川名菜，薄得透光的牛肉片，咬落香脆，略帶煙韌，辣中滲出微甜，從來是很好的開胃小吃，呢度都做到應有既神髓。

姜牛鵝肝窩巴，鵝肝入口溶化既口感與鬆脆的窩巴自然合拍，牛肉的質感則有點像剛才的燈影牛肉。

同行朋友對酸菜魚情有獨鍾，那就來一份吧！用既係桂花魚，都幾大片，質感沒想像中的滑，但結合個醒胃既湯底，也屬不錯，底下既芽菜和薯粉，都唔好錯過。常說我個人是喜歡吃酸菜魚多過水煮魚。

接著來既紅油抄手，賣相與我認知的稍有不同，至少做到皮爽滑肉餡香，沾上香辣濃郁既湯汁，無投訴。

食完咁多辣嘢，來個炒豆苗去清一清味蕾，是最好的安排。

唔覺唔覺都食到好飽，不過見到隔離枱外國人，兩條友叫左起碼十幾碟餸，真係甘拜下風。

餐廳資料:
麻辣燙
中環蘇豪奧卑利街7號地舖
27966866