海陽。居酒屋 - 假日的個半鐘午餐

食物：$$$
環境：$$$$
服務：$$$1/2 

K11 Musea一樓有家餐廳 (正確來說是兩間)，門面好濶，左手邊是吃意大利菜，另一邊則是日式居酒屋。

數年前品嚐過這意大利菜館，印象唔錯，海鮮水準尤其高，當時說過要搵日試埋旁邊的Kaiyo。

一講就講左幾年。

原本想打佢個6 course既午市套餐主意，可是週六是沒有供應，唯有散點。

先來Kaiyo壽司，店名都用埋上去，應該唔會失手。事實上，吞拿魚蓉、三文魚籽，以及海膽的組合，只要用料有點要求，肯定穩陣。呢個都合格既，最喜歡係三文魚籽既口感。與其說是壽司，我會話呢個係迷你丼飯更貼切。

咸香既明太子配青瓜，一向是我喜愛的好西。然而這裡粗枝大葉的做法，倒是令人失望，還是要去紅磡的竹里居酒屋補飛。

吉列廣島蠔屬正常發揮，至少外層脆口而蠔肉味道唔差。

再來的北海道十勝豚肉蛋黃丼，是人氣之選，即管試試。賣相是吸引的，特別是中芯的蛋黃。將之破開撈勻米飯，可以起動。可惜，呢個丼飯，得個樣，豚肉好鬼韌，大失所望。之所以係人氣，可能就是用來打卡的蛋黃而已。

有諗過叫甜品，不過此時店員走埋嚟，話只剩下廿分鐘用餐時間，算數吧~

餐廳資料:
海陽。居酒屋
尖沙咀梳士巴利道18號Victoria Dockside K11 Musea 1樓103-103A號舖
36898460