泰潮 - 今非昔比

食物：$$1/2
環境：$$$$
服務：$$$ 

係深水埗長大既我，對於由深水埗起家的泰潮當然唔會陌生，想當年佢既出品算唔錯，之後更多年獲米芝蓮推介，不過我都已經好多年沒有再訪了。

無意間發現佢係葵芳新都會廣場開左分店，即管去試試，睇下出品有無走樣。

時間尚早，店子剛開門，大把位慢慢揀。但半個鐘頭後，人已坐滿。

泰式豬髀飯，用心型碟子盛起，是要貫徹男人的浪漫嗎?

皮是豐腴的，瘦的部份亦唔韌，可惜並不入味。雖有幾片豬腸墊底，卻又不甚吸引，米飯更是敗北，與昔日的出品，差之千里。

要左碗船粉，呷一口湯，已可以斷定呢碗粉係唔掂。再食一啖嚡口既粉，以及嗰粒無味既豬肉丸，可以提早收工。

杯泰式檸茶，我沒有妄想可以跟Greyhound的相提並論，但喝起來完全無清新感覺，茶底亦毫無那種誘人的香氣，令人失望。

上網睇睇，原來家陣泰潮已有八間分店，可惜的是，水準因此而大幅下跌，口碑亦大不如前。

餐廳資料:
泰潮
葵芳興芳路223號新都會廣場1樓167號舖
24409999