The Uniek - 澎湃

食物：$$$$
環境：$$$1/2
服務：$$$$ 

雖然南豐紗廠距我家不遠，內裡亦有許多優質咖啡店，但筆者近月也甚少踏足此地，大概是疫情的緣故吧！

中午繁忙時間再次到來，鬼影都唔見隻，大部份的餐廳食肆，包括點心專門店，已是動態清零，慘無人道。

是次目標係新店子The Uniek，一邊賣精品，一賣做Cafe，可惜生不逢時，再吸引也未見知音人。

直接嘟QR Code自已落單，之後有人送餐。

這天不太想食意粉，改要份魯賓三文治伴薯條。餡料可揀咸牛胸肉，或者西班牙豬腩肉，我的選擇是後者。

製作需時，不過成品端上來時，確實有點震撼感，主要是那香氣，與及澎湃的芝士。包身鬆脆，腩肉烤得勁香口，結合芝士、磨菇、酸椰菜等，十分吸引，但又真係好漏。或者因為這原因，旁邊沙律的Dressing是偏酸，幫助解膩。

家陣無咩工作可言，與其飲咖啡，倒不如來杯伯爵茶?

伯爵茶伴一伴餅乾，感覺已經好得多。

全場連埋我只兩個客，吃至尾聲，終於有人前來叫外賣...

餐廳資料:
The Uniek
荃灣白田壩街45號南豐紗廠1樓111號舖
97763135