滿樂中菜 - 集百家之大成?

食物：$$$
環境：$$$1/2
服務：$$$1/2 

位於戲曲中心的滿樂中菜，平日烏蠅飛過都聽到，不過到了週六，卻全院滿座，訂了枱也要等一陣。

綜觀全場，食客大多是有番咁上下年紀既Uncle Auntie，可能是嘆完茶再去睇粵曲表演吧！

與同集團的其他店子不同，這裡不是單腳潮州菜，而是集百家之大成，京川滬菜色，甚或是燒味，一應俱全。

中午來，都是吃點心為主。香煎韭菜粿，外皮煙韌不黏牙，裡頭的韭菜餡幾香，味道是可以，但成品與我認知的潮州韭菜粿，是有點分別。

黃橋燒餅大概不是潮式點心吧，然而咬落酥脆，裡頭滿是蔥油及肉鬆之酥香，都收貨有餘。

之後幾款更加是粵式點心，蝦餃形狀靚仔，澄麵皮晶瑩，餡料全是蝦肉，夠爽口，不過我還是喜歡有點點豬肉，或者筍尖的蝦餃。

燒賣頗大粒，用料新鮮，但蝦肉遠比豬肉多，就不是我杯茶。

排骨唔會死實實，無一陣雪味，我已沒有投訴。

齋食點心或許唔夠飽，炒碟沙嗲牛河補飛。明明不是放了很久，怎麼河粉是凍的? 即使沙嗲味道再好，用上的牛肉再頂級，不熱的出品自會大打折扣。

一下子，店內的食客走了近半，可能是快要開戲了。

餐廳資料:
滿樂中菜
尖沙咀柯士甸道88號戲曲中心1樓2-4號舖
36221449