泰濃麵 - 時間剛好吃下午茶

食物：$$$
環境：$$$$
服務：$$$1/2 

是日有點忙，完成手頭的工作後，望一望手錶，兩點半有多，可以去食下午茶。

時間無多，半小時後又要開會，近近地在樂道吃個船麵。

估唔到，呢個時段，仍有啲客，我好彩攝到入去坐張卡位。

食船麵既地方，裝修不需太華麗，簡單排上幾幅富當地色彩既畫，已很足夠。

都係嗰幾款嘢食，只是下午茶時段比較便宜些。黑豚肉船湯是招牌，那就不作他選。然而，這碗出品卻不太合我心意，一來湯頭水準欠佳，再者豚肉偏韌，魚蛋又鬆泡泡，只有炸豬皮是合乎預期。

炸芝士雲吞是另一招牌食品，孤漏寡聞的筆者倒是首次見識。大大片脆卜卜的雲吞皮，中間是小小的芝士餡，唔難食，但個人覺得唔係幾夾，我寧願淨把脆皮沾甜酸汁來吃。

見正價餐牌內，有和牛船麵，甚至波士頓龍蝦船麵，但我就唔會花近兩舊水去試了。

Anyway，飲埋罐可樂，回去繼續工作。

餐廳資料:
泰濃麵
尖沙咀樂道7號嘉樂大廈地下A舖
23504808