食物：$$$
環境：$$$$
服務：$$$1/2
作為一個食嘢會先影相既麻煩友，每當遇見一些門面搶眼、容易呃Like的店子，總會牢牢記下，然後搵機會捉埋朋友齊齊品嚐，實行有福同享，有伏同中。
Potluck是一例，若你行經，相信眼球也會被吸引。
除左門口放了幾開枱，可與毛孩一同用餐外，靠近門口的牆身是全店之焦點，在樹下呆坐，真希望可以成為牛頓二號，有部蘋果可以跌下來。磨菇湯上桌時散發香氣，喝時卻又未如預期中濃郁，但總算是大路出品。雞肉沙律，是最穩陣的食品。又黎麥又牛油果加雞胸肉，沙律菜仲要用埋羽衣甘藍，健康到一個點。
席上友人最愛吃全日早餐，說要吃這一味才有放假的感覺，我是樂意跟大家分享的。炒蛋看上去是嫩滑，實質又是另一回事。煙肉與香腸這現成貨也沒太多好說，加入大啡菇算是誠意之舉動，我最愛還是吃薯餅。
另點了兩客意粉，作為卡邦尼殺手既我，又怎會漏了此品呢?!
可以這出品令我吃兩口便要放棄。鵝肝牛肝菌相對要好些，至少味道唔難食，只是鵝肝的質素比較平凡。
大家打算走下場，所以沒有點上甜品，飲埋杯餐飲就撇。
第六感告訴我這兒的咖啡唔會係我心水，因而要了杯伯爵茶，茶包自然穩陣。
原來我既感覺無錯，朋友對佢杯咖啡，有微言。
全日早餐我反而好少食，除非係走肉版本。
回覆刪除楓葉國唔興
刪除卡邦尼殺手被幹掉了！
回覆刪除完全死亡
刪除