2021年9月8日 星期三

甘牌燒鵝 - 補飛



食物:$$$1/2
環境:$$$1/2
服務:$$$$ 

早幾天去了鼎家喜筷,打算食燒鵝髀,可惜未能如願。今天,趁要到銅鑼灣出席活動,決定先來這裡補飛。

曾幾何時,甘牌燒鵝是超人氣店,無論任何時間,總是拉著長長的人龍。

今時今日,星期六的繁忙時段,一條友可以直行直入,店員仲好窩心咁話我個背囊可以放係對面張櫈,完全唔需要搭枱。

一心來吃燒鵝,當然不作他選,來個鵝髀叉燒飯。只是,發緊夢既筆者,鵝髀忘了叫免切,叉燒又唔記得要肥叉。

成品送來,我才如夢初醒。後悔己太遲,既來之則安之吧!

燒鵝髀是皮微脆,肉質尚算嫩滑,但味道不很濃郁。雖是夾著家族賣燒鵝的名聲,與及米芝蓮的加持,但家陣在香港食燒鵝,大概都係咁既水準了,呢隻髀,已經收貨。

叉燒偏瘦,吃起來也有欠鬆化,只能怪自己沒有叫肥叉,怪不了誰。

套餐可以揀一款小食,木耳青瓜等比較平凡,好想回味下酸薑皮蛋。

說唔上係頂級貨色,主要係不很香,但至少是溏心,連埋酸薑放入口,

飲埋杯少甜既凍檸茶,看看手錶,也差不多時候離開。

眼見人人都拿起手機影相 (應該無咁多Blogger/Iger?!),是連續七年拿米芝蓮一星既關係嗎?


餐廳資料:
甘牌燒鵝
灣仔軒尼詩道226號寶華商業中心地舖
25201110

4 則留言: