MOS Burger - 濶別餘年

食物：$$$1/2
環境：$$$$
服務：$$$1/2 

見食友在臉書貼上MOS Burger的照片，我發覺原來也有好多年沒吃這品牌，縱然近至荃灣已有兩間分店。

的起心肝搵一晚，再去拜訪呢個日本漢堡專門店，看水準是否大家講得咁正。

荃灣兩間分店之中，個人比較喜歡如心廣場那家，木系配上湖水綠的色調，確實很有日式風情。

依家啲漢堡包，餡料無疑是很豐盛，但巨型得實在沒可能一啖咬下去，儘管你有阮兆祥咁大的咀巴。

所以，連鎖店的漢堡，我才覺得更像漢堡。MOS的和牛漢堡也不大，一片和牛跟上芝士，配些菜，簡單就好。和牛無話死實實，有肉汁，整件事已經衰極有個譜。

至於魚柳包，有別於麥噹噹的出品，魚柳鬆化之餘，其醬汁多一點芥末成份，吃起來更醒胃，肯定更合心。

摩斯雞塊，即叫即炸，有咁熱氣得咁熱氣，點會唔好食?

本身柯打黑糖珍珠奶茶，卻來錯了抹茶底，是但喇~

原來，嘢飲可以轉粟米湯，早知飲湯好過...

餐廳資料:
MOS Burger
荃灣大河道98號如心廣場二期1樓135號舖
34685506