Duet Cuts & Cups - 理髮咖啡店

食物：$$$$
環境：$$$$
服務：$$$$ 

家陣香港咖啡室的數目，可能比7仔還要多，梗有一間係左近。

紅磡近日就有兩間新嘢，分別係連鎖素食 Cafe素年 (已經開左四間啦!)，與及我想介紹既呢間，Duet Cuts & Cups。

店子就在素年的旁邊，好有OK與7仔打對台既感覺，我甚至曾以為是同一間店來的。

好特別既店舖，前半段係咖啡室，後半則是髮廊，因而有Cuts & Cups的命名。

食物選擇不多，只有幾款包，與及甜點，僅此而已。個人偏好軟包，這裡的拖鞋包做得不俗，包身軟熟，豬頸肉彈牙，配上醒胃而不太辣的泰式醬汁，不錯吃。混入清甜多汁的車厘茄，更加是神來之筆。

有軟包也有硬包，這次點的酸種包，配上煙肉及太陽蛋作伴。兩片煙肉唔怕煎得乾柴柴，太陽蛋煎至邊位微脆，橙黃色的蛋黃好誘人。除此之外，亦放上火箭菜及煮得夠透又入味的洋蔥粒，成件事無咁乾爭爭，也好。

喝的是Latte，可揀較fruity 或Nutty的咖啡豆，我的選擇是後者。咖啡豆來自巴西，夠香亦沒一陣澀味，入口順喉，合格有餘。

時間不許可，否則會試埋甜品。沒關係吧，下次再來！

餐廳資料:
Duet Cuts & Cups
紅磡黃埔天地百寶坊(第3期)地下G28號舖
34254945