2021年8月30日 星期一

勇仔記 - 新麵店



食物:$$$1/2
環境:$$$1/2
服務:$$$1/2 

若然一個人搵食,而又唔係特別想獎勵/ 安慰自己的話,茶餐廳或者車仔麵店,就是我最常的選擇。

路德圍又有車仔麵開張,筆者一星期內去了兩次,都算少可。

是十分好吃嗎? 又稱不上,但都是合格的分數囉~

首次前來,費事諗咁多,就來超值大碗麵。材料甚豐的,最欣賞佢所有餸都好夠熱,許多時食車仔麵既餸... 你明啦!

先講麵底,粗麵沒半點鹼水味,已贏了一半。蘿白好大舊,卻非常腍身,且清甜。冬菇厚身,質感軟滑。魷魚爽脆不韌,豬腸中芯保留了肥脂,食車仔麵根本應該係咁。敗北反而是最矜貴的鮑魚,雖然大隻,但偏韌,要花點氣力去咀嚼。

事隔幾天再來,叫兩餸麵。豬腸保持水準,夠邪惡。甜酸齋會分開上,贏了印象分,加上酸與甜平衡得好。

兩餸唔夠喉,整多份韭菜豬紅。豬紅勝在口感不錯,可惜韭菜有渣,未盡美。

食車仔麵,還是飲可樂好。

如果係樽裝,仲正!


餐廳資料:
勇仔記
荃灣路德圍28號地下


4 則留言:

  1. 車仔麵竟然見到鮑魚,差啲以為魷魚係花膠呀!;P

    回覆刪除
  2. 完全唔掂,什麼茄哩汁完全冇茄哩味,腩汁又唔掂,最簡單嘅豬腸難食,

    回覆刪除
  3. 經開荃灣諗住食碗麵,入咗路德圍一間勇仔記車仔麵,嘢食唔太好。
    唔知係咪店主,服務態度極差極串,入去食嘢好似畀佢呼喝咁。我都已經係唔該前唔該後,埋單嗰陣唔該佢收錢, 依然係西口西面唔使旨意會同你講多謝。
    從來未試過入完一間嘢食嘢係要上網講出嚟,食碗麵其實有好多選擇冇下次。
    圖係網上搵,冇影相

    回覆刪除