2021年8月27日 星期五

后園 - 心曠神怡



食物:$$$$
環境:$$$$
服務:$$$$ 

很喜歡尖沙咀1881,環境太有外國feel,偶爾來食餐飯影下相,猶如去了一趟旅行。

第一代的中菜廳隆濤院,以至凱芸軒,與及富悅軒,筆者也曾到訪過。時至今日的后園,我終於有機會試。

無須浪費資源大裝,保留原有的傳統典雅,已經贏過唔少五星級酒店。

后園的廚師班底好有實力,川粵菜色以至點心都肯定穩陣,但是日兩個人來,只吃點心為主。

煙燻三色素鵝的賣相精美,紅蘿蔔、香菇及窩筍切得幼細,被腐皮緊緻地包裹著。煙燻味恰到好處,卻也沒有蓋過餡料之鮮甜味,好睇又好食。

芋角的外貌並不花巧,勝在基本功扎實,入口鬆化而芋蓉軟滑,還混入了少許蝦肉來豐富口感,很合心。

蟹籽燒賣同樣以傳統賣相示人,不過粒粒飽滿企身,甘香可口。

一見到雪山叉燒包,又想起楓葉國的朋友海豚兒。當日大伙兒於國金軒嚐過雪山叉燒包後,我也一直沒有再吃此品。幸而,這裡的出品亦不遜色,皮薄而酥脆,結合香甜鬆化的餡料,好吃。

帶子露筍腸粉是相對平凡,主要是腸粉皮未夠薄和滑。

甜品兩款,包括香噴噴的西米焗布甸,以及新派蛋撻仔。所謂新派,即是加入了伯利酒成份,酒味輕怡,卻多一點像焦糖的香氣,效果唔太差既,只是食古不化既筆者,還是對原味的蛋撻仔較有好感。

在這個地方嘆茶,確實心曠神怡,寵辱皆忘。


餐廳資料:
后園
尖沙咀廣東道2A號富衛1881公館主樓地下
39880188

2 則留言:

  1. 嘩~雪山叉燒包呀!一個充滿溫暖回憶嘅包呀!我都係會想食原味蛋撻仔多啲!

    回覆刪除